Tai gam delay tawár ent, cha delá jetá nabit ent
Mani wazhdeli hamésh ent ke pa harkasá nabit ent
Pa nazántkári wártat choshén biragén radé man
Agán sad hazár randá taw bogosh padá nabit ent
Bay béomét parchá taw bayán kan man bezánán
Ke kojám kár Hánol tai háterá nabit ent
Mani kawl o nadrán lóthit, mani ji o jánán lóthit
Ke pa kásed o kolóhá kadi gol razá nabit ent
Man nazurán éshiay démá tai kollay wazhdeliá
Delay dard bébahá ent ke pa beh dawá nabit ent
Pa kasá nabit pádár é bahárgah doróchi
Mani gam tai sará ent, tai gam kayá nabit ent
Cha amollá náeláj án agán nán Sayad man goshtat
Maná chó maday azábá ke pa taw rawá nabit ent
Sayad Háshomi
Chárshambeh, 12-Agast-1953
Kalákóth, Karáchi
