Chincho rang matthénit, bé Hodá bebit donyá
Chont ráh tarrénit, bé Hodá bebit donyá
Wáhag o wapáháni, talmalén hayáláni
Poll nókén ródénit, bé Hodá bebit donyá
Jédhagá maná naylant rasm o dód dinay tai
Lékahán waddénit, bé Hodá bebit donyá
Din yakk dagáé pa dozhmeni maná rasetag
Zálemán namarrénit, bé Hodá bebit donyá
Del mani hodábond ent, gayrat o mani nang ent
Ráhá márá perrénit, bé Hodá bebit donyá
Byá koshén Hodáyárá, matlabay negáhárá
kass kasá narépénit, bé Hodá bebit donyá
Latip Ázád9 Satambar 2024
