Oo Dhádharay sabzén kapót
Pásán zahirigán janay
Genday maná wáb nayayt
Cha Hániay bázén gamán
Jósh janán wahd o damán
Rendán maná tiré jatag
Tirá maná kári kotag
Háni mani dastá shotag
Rend neshtag o shart janant
Shartán pa Hániá janant
Dóstá mani dastá barant
Dawr dayant márá gamán
Dágán mán bógán, trokkolán
Man Hániay wástá zarán
Táke hamá róchi merán
Báli kapót bell kukuán
Sidá boraw mán Dhádhará
Péshchár bekan dorray bará
Dináray máhén dohtará
Á wat neshán ent pésará
Arsy naóshtant záherá
Sheng ant anárkáni sará
Kasshy mán kerr o yaggwará
(Mani) Hálán beday mahpaykará
Kásed taw zutiá dar á
Nendag eday bass ent tará
Bál kan cha sóláni sará
Paygámán sar kan Chákará
Shawr janán man embará
Káyán damé nazzigwará*
Tai bázáray kerr o gwará
Kawlé kotag ayshi sará
Gón zahm o pollén espará
Wáb ay mán narmén bestará
Gón dornejátén dramgwará
Washwábiá naylán tará
……………………..
*nazzik o gwará
(Shay Morid / Ahdi Shayr)
