Ástinká na máré na zerdá gamé, chincho tahnái ent, chincho tahnái ent
Nést yakk dozhmené, nést yakk mahramé, chincho tahnái ent, chincho tahnái ent
Ach man jostá makan chón gwastag mani éokiay sapar jangalán dar pa dar
Dur gendán zahiráni shénki shamé, chincho tahnái ent, chincho tahnái ent
Bolbolá gend darday mani chont chihál jant, chont peryát kant, zendagi ent mani
Yakk kaléré kahiré na pirén jamé, chincho tahnái ent, chincho tahnái ent
Má jasán gón jatag, mahparán gón jatag, delbarán gón jatag, áp o ásá jatag
Na getrángén anárké na chammi chamé, chincho tahnái ent, chincho tahnái ent
Kázi hamráh o yáráni jostá makan kay bezánt ke kojám menzelá raptagant, zendagá mortagant
Rázdáré na kunjáni gárén ramé, chincho tahnái ent, chincho tahnái ent
Mobárek Kázi
