Chamm shanzant ke nashanzant tai tránag káyant
É nasaggén delay ranjáni hazánag káyant
Wati ópáray kesásá cha kadi gésh maraw
Rastarén harch saggay wahd o zamánag káyant
Chokk, bándát, zemin, lóg, keshár, wáb o sohb
Hecch namánit hamá róchá ke may zánag káyant
Kórén é donyá, nagendit, bale chó bit baré
Proshtagén zerd chó butag pa neshánag káyant
Grán dán ent yá tai aglay sobakkén gapp ent
Chankay héldár kojá poll pa do dánag káyant
Sál káyant rawant kass naporsit kassá
Porsay róchá chiá say róchá bant pánag, káyant
Manday bázaray masit, kaympay kashay darbarjáh
Gir har shap tai Golá métagay wánag káyant
Áhug Gol
