Haw, man nábudé án, békáré án dhóbár maná
Béde shóházá tai nést dege kár maná
Kay maná bárt o rasénit mani hankéná padá
Taw darén shahréá áortag, kotag gár maná
Byá sharábán gón trepén tangahén gónápá mani
Bazhn o béchádhiay danzán kotag bigár maná
Náz karzay pa wati syáh o bazén gwápán taw
Darwará syáhiay bahtay mani pésh dár maná
Manesh nóshán ke tai háterá kóhén gatth án
Ji tará shahd shaháray ke dayay zahr maná
Mani addirah chó kurahá bonás ent modám
Halkay sargwátá kayá gwashtag beday bár maná
Óst o béósti o delmánagi bárén tá kadi
É che wazmé ke kotag mojjati chamdár maná
Jánay band band chó Shayhá wati dág dátag begend
Hániay zaymén delay zémel án, gósh dár maná
Margay rahchár án shap o róch gón dardán kejján
Malkamut! Nastagén talká srap o kópár maná
Chó palárá chó patárá chiá pádmál bebán
Hár o tupán delay shahkawr zeré ógár maná
Zapar Ali Zapar
