Atkagant gránén nawbat o jangáni bahár
Dém pa mátkóhán raptagant mallén sarmachár
Gwánk jatag dhéhay mádarén háká bazzagi
Jah jatag pirán, bastagant warnáyán katár
Molk Balócháni pa halaw hálawá narawt
Mashkati halwáé naent Rendáni dayár
Dán jahán hast ent nám may dahrá hast bit
Wahday delbandá naksh ant may péshi yádgár
Kahn o kombáni áp may Ápe Zomzom ant
Chó baheshtá ant may charágjáh o malgozár
Zer chó adénká drapsh dant róchay digará
Gwát mani dhéhay bádhai bangáni malár
Dozhmená dáshtag chamm wati pa may bondará
Kóh bebant yáke tyábdapay sórápén dhagár
Yá bebant dár o dhangar o buch o dhók o dhal
Gel bebant yáke bandenay zebrén régzár
Kalmati Chebbá jódh kant bán o bádgir
Borz mán Bátélá sheng bant rangáni gobár
Shabdaré mánit pa wati padréchán Nalénth
Koblén pázgáhán band bant ájuén talár
Pa Balócháni poshpadán donyá tang bit
Allamá róché may gón badwáhán jang bit
Mobárek Kázi
