Báz wahdá delá goshtag ke gón taw hál o ehwálé bekanán, balkén del inchoká émenter bit bale gón taw dém pa dém bayagay háthig nabitag. Mani hambal! É nemdi Jattáni bázárá chágerd kant. Tai rawagá pad Jattáni bázár porsig ent. Harkas ke gón taw nazzikk bitag yá tará zántagy áiay arwáh béchádh o abétk ent. Sarjamá Bwány
Diwáláni sáh bedhakkit, darwázag hayrán bebitChósh mayá ke mará may é tahnái táwán bebit Sabzén cherágé gir byárit kondhéá yakk bechkandéHámóshiay dut bebant o dóstáni diwán bebit Labzay bazén póshákay tahá andém nabit wáheshtay badanMá wat géshén jost nakot ché bésah delgrán bebit Sohrén shénkán róch najallit, sabzén shénkán sardén máhMan wa jallán balkén bé Sarjamá Bwány
Man nazántag sar kapit pa é wadhén róchán SharipDaste wat jenday zobáná gong kanán dóchán Sharip Rais o Górgéján ke may kabray zemin mirás kotagPirok o bonpirokay brátán wati sóchán Sharip Cháragay hamráhiá del dátagy gón allamáKass nabit moptá ganók pa jámagay dóchán Sharip Nu payádag buagay nimmón sáchit deláLánk bastag má kadi pa mádhi Sarjamá Bwány
Janénzahgé hamok bégáhWati hamsáhegay lógáKoránay wánagá raptagBale marchán gesá dar nayaytNeshtag zár zárá grét Manzur Besmel
Tai anárkáni sohrén rang narawtAgl o del hardokáni jang narawt Atkagén syáhén shap jetáiayBéde kayp o soróz o chang narawt Moddaté gwastag nend o nyádá mayCha delá tai gamáni zang narawt Rah maday móledá golén Háni!Bé tai dádá é malang narawt Hecch sharap nayáray dóstay diwánáDánke Sáher tai nám o nang narawt Morád Sáher
Sháeri cha syásatá démáter entSháerá géshter tai, gol, gam per ent Sháeray kimmat janag hejbar nabitSháeray imán tai zéd ent, zer ent Rást goshtag Sáherá may syásatdánHarkasé kayt raptagéná ganter ent Del taruné béwasi rók ent mayDidágáni arsay har tramp eshker ent Báz mardom sakk paréshán ent ke éDhréwarén Yunos chetawrá sháer ent Yunos Odás
Koblén darwázag o kórén darigKay bepólit é tahnáiánKay bemárit é wayrániánKay bemannit ke rozhn andar entChér o sar entSyahshap entKoblén darwázag o bétawárén tawárKoblén darwázag, thappién dast o chammKoblén darwázag o bésamáén hatamChincho béhájat ent zendmánay neshánKay bezánt mehr kall ent kojá?Kay wapáyáni sadsálén tásáni passawán bedant?Békesás dard o dór o abétkiBékesásén tahári o bébáwari Sarjamá Bwány
Nun padá bar gashtagén wábán magendRoksatén zébáiay dábán magend Mardomán jenday tawár góshán nayaytSarpadi gón kaddahi nóshán nayayt Halwat ant kukkár o jákáni zobánButagant zébáiay mohrag sedán Kadd kant gón sáhegá harkas watáWassh bit donyá pa labzáni satá Keshk gón may menzelán yajjáh nabantDánke gestá gón delán yajjáh nabant Rókén kandilán koshán ent gwát chónÁsaré Sarjamá Bwány
Shap tawám butagDamk wábénagénLezzatéay tahá bokkán atantKe darigay shamáSáhegé atk o shotMan negáháni keblah chakkarént watiChárán tahnái entBésamái man dhanná shamoshtag o kargin tahá band kotag Amir Dóst
Man shotán BalláBalloké kall at Man shotán KerásáBalloké halás at Man shotán HóchátáBalloké kapt chátá Man shotán KoddhánáBalloké loddhán at Man shotán MandáBalloké band at Man shotán TompáBalloké komp at Man shotán ÉránáBalloké bérán at (layb lacchah)