Moddaté gwastag ke máhén golay didár nabit
Yá hodá márá pa chammán gón hecch kár nabit
Mennat o zári o dazbandi ke man hél kotag
Róché sad randá hazárnáz chiá zár* nabit
Washnayatkáni shegánán mani bálád shengént
Ni ched o dém gón man zyádahén ópár nabit
Byá bebar hóshá saray kaddahén chammán gón wati
Nóshagá kayp o sharábay kassé bésár nabit
Del nabastag Zapar hejbar pa baháray pollán
Dán golay bikk nashengant jahán átár nabit
*zár = zahr
Zapar Ali Zapar