Dast mán ent may jenday pa barbádi o dar pa dar buagá
Márá wahdá hazár randá móh dátagat pa gég o gwar buagá
Má dán haywániay simsarán cha hamá démá sar butagén
Márá wahdé pakár ent dobar áyag o pa bashar buagá
Shahd o shiray edá kawr o kawrjó tachant, nést ent hájat bale
Má ke tonnig atén márá trampé naras(e)t lonthay tarr buagá
Gón kayá gellahán é kanay ke chiá béwapá butagay
Marchán mehr o wapáay ke har némagá bay o shar buagá
Shahray damkán matarr bé sarigá ke donyá haráb ent, jenekk
Sahi naay taw nazánay tai báposhtá chónén habar buagá
Má chó sengay botá hoshk o hayrán atén démá dordángay
Atkagat á pa wahdé wati dazgoháray napar buagá
Béde taw dóst nabut márá kass é jaháná Nazirá bogosh
Chó hazárán tayár at gón bechkandagán hamsapar buagá
Nazir Náser
