Kesás kan maná bechár
Gón mehrwánén didagán
Baré man eshkeré bayán
Baré man tróngalé bayán
Baré man ách bon dayán
Baré man ap rók kanán
Baré man dozhmené bayán
Baré man sangaté bayán
Baré gobár sar rechant
Baré homár sar rechant
Baré man hósh o sar bán
Baré man chath ganók bán
Baré man rahgawzé bayán
Baré man menzelé bayán
Baré Moráday kóh bán
Baré man masjedé bayán
Baré patang bán sedán
Baré man ars bán rechán
Baré man jengolé bayán
Baré man bolbolé bayán
Man yakk kasánén morgé án
Mani kodu mani naent
Bechár chincho talwasán
Begend chincho bazzag án
Bemár chincho gam per ent
Bejédh chincho wazhdel án
Tará ke man wati kotag
É zendagi mani naent
Tai zánagá mani kotag
Na kawsh gón man thawk kant
Na tabd gón man rók bit
Pa sáriá man zanzarán
Mobárek Kázi