Byá dódáni arzeshtán shamóshén
Watá gón mehray bránzán mán póshén
Wati mehráni dahré sambahénén
Watá cha zenday rahbandán lagóshén
Daniga darday tupán áyagi ent
Má trampáni sariná kóndhmósh én
Balóchay ákebat ché bit bárén
Wati jendá gón neshtag kosht o kósh ent
Naent sarpad wati arzeshtá jenday
Adárén wasshián gón pah(k) hanósh ent
Ajab rozwáén hélé gón Wasimá
Satar tazhná bejan ke poshtogósh ent
Wasim Monir
