Sawálig án, parchá jawábé nalóthán
Agan hakk nadárán hesábé nalóthán
Bekant nám o dap goddhe margá manárá
Choshén wasshén wang o kabábé nalóthán
Maná bass ant é dard o mehnat jahánay
Ched o dém géshén azábé nalóthán
Tabáhig agan bit morádáni bójig
Choshén bépakárén tayábé nalóthán
Mani darday démpán ke wár o azáb ant
Man sardár o mir o nawábé nalóthán
Agan del hodók ent modám pa gonáhá
Bale chó naent ke sawábé nalóthán
Kasé shát bekant kaddahán shakkaláni
Maná walláh kayp o sharábé nalóthán
Bepéch pattarán dohl o sorná makan ke
Man chang o soróz o rabábé nalóthán
Salámat bebát gol gón kandhig o hárán
Nalóthán dege thahl o dábé nalóthán
Man delgósh án Mollá cha tai wáz o pantán
Paméshká dege sój o bábé nalóthán
Ji Ar Mollá