May sáh ent Balóchestán, may ján ent Balóchestán
May zenday hamokk darday darmán ent Balóchestán
Sarsabz chó shádáb ant donyáay dege kahchar
Apsóz ke modám sohrén hónán ent Balóchestán
Parchá man nabán bandig, parchá man nabán kawlig
Ke zehsarén tiráni démpán ent Balóchestán
Pol kortag hazár randá dengán cha hamé zédán
Angat ham dege dhanni dastán ent Balóchestán
Mirás naent mir o sardár o nawábáni
Jágir pa wati sawlén bacchán ent Balóchestán
Del bit chawr rázi Mollá cha tai wázán
Wahdé ke mani din o imán ent Balóchestán
Ji Ár Mollá