Taw mani jend o zenday wáhond ay
Cha maná yátáni polók zenday
Wáhagay sáp o sallahén ádénk
Shánk pa man chámmán taw watá genday
Man dege donyáé sará kasshán
Sahtoké gón man taw agan nenday
Mortagén del may gark jant sad bar
Bósht damáné byá tákchahá zenday
Man pa taw bandig án amol hanchósh
Ponnu at chó pa Sassiá Senday
Pa tai bechkandé kanán korbán!
Sad hazár sharrangén jenekk Henday
Man tai shóházá bekan báwar
Gár kotag báwast byá wati jenday
Golám Hosayn Shóház