Man hamá bébánzolén morg án ke pothy bakshátagant
Pa Solaymánay tamáhay madhiá
Mani nezzá!
Hodáay ázmán bégwáh kanag bitag.
Mani démá mojé tálán
Nagendán man dege hecchi
Bogoshán ché ?
Pa goshagá wa lóthit zobáné á ach man polag bitag
Mani wábjáh
Mani sarjáh
Mani pézhgáh
O wahd o pás,
Wábáni,
Nyádáni,
Laybáni,
Golén poll o golábáni
Nagwáhit gón maná hecchi.
Nán rózardé gobárbandén, nán estáláni nilén shap,
Máhekáni wa darmáné!
Moj o támórén donyáé
Man án o bass! Mani sáheg, yá man sáheg!
Baniádam dam kasshit, wáheshté delá dárit.
Hamok sohbárá démé bit
Hamok pa zendagén mardom
Mani sohb pahk bédém ant, kojám démá dayay démé?
Nán démé hast o nán dast o pád ant wáhondi
Nán manshá o razáé hast.
Bass! Chó Wájahay ábádén thábá mán é sabzáchkay
Shabanday o shaháray mohtáj án
Hasá Bejjár