Sarshapá dánke sohrchakén bámá
Taw mager wábay shirkenén námá
Tai watan pollén, oo Balóch, rahn ent
Haz bekan warná trond bekan gámá
Kargazay nyáday wasshián ógár
Sakk tará dér ent kaptagay dámá
Jah janet bélán zerday chihálá
Neshtaget parchá hoshk o nákámá
Wadgadhén rahshónay mazir pantán
Byá gón béláni hamredén gámá
Zir seláhán o jah bejan shéri!
Byá hazén margá zend kayt dámá
Gwastagén wahday mantagén tazhnán
Parchéá ziray pa wati námá
Mollá Morád