Hatam pa kaypé zarit meskán, pa mehlabi drapsh dátag bámá, delá namannet
Jahánéá dát sekén “pád á boraw gehén wájahay salámá”, delá namannet
Pa man hamá sohtagén dhagár ent, pa man hamá mortagén keshár ent, man chón bemannán
Ke nód shanzant, ke hawr gwárant, ke drin sárit har ragámá, delá namannet
Goshant ke dawr áhtag Shay Moridi, naent nun é ahd Chákaráni darámadáni!!!
Bale mani ájui “damáni”, bale tai wájahi modámá, delá namannet
Proshant shahkóh, hoshant shahju goshant ke biré nadant kassá móh, é ahday shahzánt
Bekant rahdróhá ráhdarbar, bedant bakshish bé malamá, delá namannet
Pa sáhaté tráwali deláni, pa yakk adároké nágománi agán bejallán
Bale é rahwár wáhagáni bemenzelit ráh gám gámá, delá namannet
Delon namannit ke ahd káré koshit Báláchay wáresáná man chón bezánán
Padá barant maiyatá pa bayrak, padá gerant gayratay talámá, delá namannet
Atá é mósom, hatam na chellag, bahárgáhéay tahármáh ent pa rozhnay wájah
Bale é áshóbay ás o ápá tará tawár ent Atá pa námá, delá namannet
Atá Shád