Doén ballok tahtay báhóth ant. Ballok Shahrbánu, kóndhán lang ent o áiay masterén gohár Ballok Hátun chammán kór o góshán karr ent. Doén lógá neshtag o Alláh Alláh kanant.
Zi zeminá chandhet. Ballok Shahrbánuá zánt ke zeminchandh ent bale chárety dán man kettán o náráná cha tahtá ér byáyán, Hátunay dastá begerán o latthá jekk dayáná dhanná dar byáyán, lógá ke kapagi ent pésará kapit. Pameshká cha wati jáhá nasoret.
Ballok Hátuná samá but ke taht soragá ent bale áiá delá gosht balkén nomásagé, shaytáni kanagá ent. Josty kot, “Shahrok! É kay ent mani tahtá zhámbalénit?”
Ballok Shahrbánuá kandet o kukkár kot, “É wájah Hódá ent, Hátun.”
Góshán syahchoptén ballok sarpad nabut ke kai námy gept. Áiay hayál gón shaytánén nomásagá at. Tahtá tekahén latthy chest kot o kukkáry kot, “Tará lajj nakant shaytán! Pirén ballokán árámá naylay?”
Nágomán