É negáháni zobán ent hamokká* pa naent
Mehray bandik mani kénagay gokká pa naent
Kayp báládéá báládéay tengag bráhit
Shahdén é tám tai kocchalén nokká pa naent
Rásti ent jáheliá kánth rodit belly rodit
Del Patháni mani del band Madokká pa naent
Dir dár bongaray télánkéá hapt poshtá kapay
May Balóchi tai moshtá tai mokká pa naent
Macchá ér á ke é maccháni barán tropshi nést
Amboké patth ke nimóné papokká pa naent
Man nayán Jádhu wati lankokán chammán bejanán
Kawl sarborrén mani tásokén chokká pa naent
Mahwashán gón ant Golay zerd pa gwáziá bale
Isopay del ni Zolaykáén botokká pa naent
…………..
*hamoká
Áhug Gol
(Ás Sabzén Jangalé)