Kadi bit man nazánán* mani ágahi cha wábá
Maná hecch shepá nadátag delay eshkerén ketábá
Tai kaddahán zahiray maná wáng wáng kortag
Chó sharábién golábá, chó golábién sharábá
Mani kortagén gonah nun maná ché bedant bárén!
Maná dátagat gonáhé mani kortagén sawábá
Oo samin o ásomi bó kadi may gwará byá taw
Taw beday shepárén bikán mani zerday péch o tábá
Mani jédhagán delaygán maná hál dát gedári
Maná ché goshit bánok mani kágaday jawábá
Kadi mahpar ant ke sheng ant! Kadi didag ant homár ant
Maná, Shád, gár kortag hamé Sammiáni dábá
Atá Shád
…………………………
* Nazánin = nazánán