Delá balén ke delá rók bit hazár cherág
Nabit róch é chakkásay shap pa chár cherág
Man mortagán pa tai mehray máhékánay nód
Mayár pa mani addirahá mayár cherág
Hodókay shahm, hayáláni grand, rozhnay rók
Cherág tán ke é kahrén shap ent tahár cherág
Bebit pa man anárkáni bám rakkay poll
Nabit márá mán lonjén shapán pakár cherág
Byá ke par taw zetag sáhkandanon omray
Shap ent hayátay namánit tán sahár cherág
Atá hamá ent mani rozhnáiay zendáp
Hamá ke rahsarán bit, ásgwár cherág
Atá Shád