Chokk én Balócháni, má chokk én Balócháni
May torsá zemin larzit, may bimmá kalát jaksant
Má kóhi mazárchokk én, má gollodh én shéráni
Chokk én Balócháni, má chokk én Balócháni
Má kópag én pessáni, má jámag én másáni
Má panjag én brátáni, má lajj én goháráni
Chokk én Balócháni, má chokk én Balócháni
Má nándeh o dádbaksh én, má sardeh o námkassh én
Má hóni mayárjall én, démá rawén béráni
Chokk én Balócháni, má chokk én Balócháni
Má gayratay shir metkag mán sáhegá zahmáni
Hón petthit cha may chammán, má kawm én shahidáni
Chokk én Balócháni, má chokk én Balócháni
May hón zálur kárá kayt, yakk róché may kawmay
Táwán nabant hejbar názénk may másáni
Chokk én Balócháni, má chokk én Balócháni
Má posht én yatimáni, láchár o garibáni
Zolmay hasárá próshén dawr nayayt padá zolmáni
Chokk én Balócháni, má chokk én Balócháni
Chakkásén hazár randá tirán wati delbandá
Kawl ent tai parzendá gón góndhalán tiráni
Chokk én Balócháni, má chokk én Balócháni
Chamrók ent Balóchestán námdárén Balócháni
Dargáh ent shahidán shahmókén sagáráni
Chokk én Balócháni, má chokk én Balócháni
Abdol Majid Gwáderi