Hazár bahesht bahá pa golay golábén chamm
Nadist man angat jaháná, é dhawl o dábén chamm
Anár anárá anárkáni rang bámay jalashk
Hayáay kaddahá kayl ant chetawr sharábén chamm
Man wánán mehray hadisán o mehray áyátán
Pach ant chó pákén Koráná, golay ketábén chamm
Maná wa bell man ganók án, ganókay ché bestár
Godhénant arshay hodábondá akswábén chamm
Bechár, pa cháragá, Mollá, nachent kasé póleng
Kojám gónáh ent ke chér ent cha may mawábén chamm
Ji Ár Mollá