Pors hálá watigá ham, zangay janagá sar gwaz
Zaym ent tai del ham, zaymén zadagá sar gwaz
Har sohbay sará shagrab halwat mani góshán kant
Róérshotay róch ér shot, randay kapagá sar gwaz
May zenday galag marchi béwánkiá démá rawt
Pa bramshé jahán jah jant, gwánkay janagá sar gwaz
Tazhné delá tawrénit o del maná sahdhénit
É zend pa taw tazhné, hoshkén sochagá sar gwaz
Labzáni beday sahtán pekráni gwará dáem
Zébé ke mabit ent gón, á sambahagá sar gwaz
Hán Sáber
Satambar-1975, Tomp
