May wábáni donyá, hayáláni donyá chó yakkén damáná badal but chiá
Delay wáhagay máh o sáláni donyá chó yakkén damáná badal but chiá
É mátáni bacch ant, é shéráni gwacch ant pa charpén dapáré bahá butagant
Á béhájatén sarzawáláni donyá chó yakkén damáná badal but chiá
Ke chérá kahiray, taw kaptag zahir ay, chó harján ay tiray bébánzol ay
Á péshi kapódar tai báláni donyá chó yakkén damáná badal but chiá
É wahday tabá bell ke menzel pa menzel rawán ent jáhel, nadárit o rawt
Á békerd o borzén majáláni donyá chó yakkén damáná badal but chiá
Cha daryáay démá pa nódi do trampá ke drachkáni tonná na tawjil o dar
Kahiráni donyá, chenáláni donyá chó yakkén damáná badal but chiá
Má wábáni poshtá, tai dábáni poshtá, azábáni poshtá ganóki kotag
Má parchá bezánén shagáláni donyá chó yakkén damáná badal but chiá
Tai mudáni syáhi, tai lontháni bráhi, tai chammáni sháhi kayá bortagant
May shayráni donyá, mesáláni donyá chó yakkén damáná badal but chiá
Tai Dhawli hamá gam, hamá del, hamá chamm, hamá dóst o mahram, hamá gésh o kamm
Mani hamsaróén neháláni donyá chó yakkén damáná badal but chiá
Dhawli Bég
Chárshambeh, 31-Satambar-2003
Chorbandaray Daryá
