Eshkay andém ent kesás! Kamm kojá? Báz kojá?
Ápsaré bit? Ke bit kacch kojá? Gwáz kojá?
Mehr bé mehrá nabit ásheki bé eshká nabit
May ganókáni delá óshtit choshén wáz kojá?
Man tai darday sará marchán hodáay paymá
Bétawár án ke kotag gár delambáz kojá?
Halkay mirá padá hamsang kotant mehr o bimm
Talwasag darday kojá? Mehr kojá? Náz kojá?
Karnay saylá watá nádáná kojá gár kotag
Taw á déwánagén Háná kanay shóház kojá?
Hán Sáber
17 Aktubar 1981, Torbat