Tachant nód o daryá tachit zendagi
Kadi bárén tyábá rasit zendagi
Cha sargwápay dastáni zórákiá
Tai mudé sedit, may sedit zendagi
Á wahdé ke polláni saylá borawt
Gón nódáni trampán kapit zendagi
Man dehkánay dastáni korbán bán
Keshit malkamutá, rodit zendagi
Maróchán man bé matlabá zendag án
Ke bé taw maná dóst bit zendagi
Damáné chá margá perámósh bán
Padá dast o pádán adhit zendagi
Man emrozá anchén wadhé proshtagán
Delá dar kanán ham kodit zendagi
Man kabrá shotán dán tai shóházagá
Tará dit man Dhawli, nadit zendagi
Dhawli Bég
3 Nawambar 2007 (Zemintók)