(1) É tahárén shap mani bináén darday hambalóParchá bandit bánzolánÉ keshk o dar gimortagénPa shahmi trampé, pa chedhekkái bolórén thokkoréCha ázmánay sabzokén daryáyá ádém raptagantByá mani bináén darday hambalóByá maná chó sengokéDastá kan, ápá dawr dayBalkén rodit bramshé, o shahmé rók bitTaw éok ay, man éok ánO éok ent é wahd chó wayránagayTahnáén yakk macchi Sarjamá Bwány
Wati borwánán Morwáred sorénitDege sázé delay thappán kodénit Tai é parpokén lontháni garmiManá cha malkamitá ham zehénit Choshén bahté kojá byárán ke pa manAmol Ján shakkal o shirán beménit Golay ábréshomén dastay samáréMani shór geptagén zerdá trahénit Dapi josty nakant annun manáráBale man ke merán, arsán shalénit Agán gol byayt molláay baheshtáMan zánán jannati hurán Sarjamá Bwány
Hár nun métagán gerán ent padáDarp hóshámay sar rechán ent padá Wahday tawkal chó kadhabbá proshtagBánzolé jambarán adhán ent padá Ásay drachké padá keshag lóthitEmbari hawr mehrawán ent padá Man nun zánán ke keshká mattháitHamsapar kallié raján ent padá Sayl bekan wahday niyatay rangánBad goshán ent, o bad kanán ent padá Zi tai zébáiay rangán Sarjamá Bwány
Wati jenday shóházá dar kaptánDist nókén padé padáni taháPahk bégwáh ent, pahk sahrá ent!! Dur gendán man brahnagén drachkéZenday wayránagén ladáni taháChó mani éokiá tahná ent! Mani éoki cha maná porsitNék chón zendag ent badáni taháMarg chiá zendmánay hamráh ent? Mobárek Kázi (Márch – 1985, Shál)
Nay tránagé pa dósté, nay wáhag o wapáéAgán béwati hamésh ent, kawlig án man hodáay Bar gasht yát zagrén, pa man jahán bar gashtGón at shapáná ranjay bégánahén sabáhé Zenday baheshtén wáhag, wátarr kan o padá byáMani Ádamén hayál o sar sestagén Hawá ay Byá dalwatén gománá óstáni pátheká barZórwájahén amiré, námgeptén kadhodáay Tonnigén ráhatáni Sarjamá Bwány
Baré yakk hájaté sáyán, baré nókén gamé ménánManá darmán berépénit, o dardé man berépénán Sagáré, markabé, kabré, na dáwá, na gobáré hastKay ent angat sorénán kant, mandilán negárénán Hayáláni damag sabz ent, o wahmáni ramag tálánZemin chó ázmáná ent, o dardán shénk chárénán É del, é mehlabén rangáni addirah salámat bátAgan mósom bematthit, man dege Sarjamá Bwány
Ahdá neshtagán karnániArson retkagant chammániNán tai kágadé pa man kaytNán tai kásedé pa man kaytGwátá gón nabant tai drahbátWazhbu o zabádén sawgátZánán cha maná béhál ay Sechkánén tagerd o pátánJódhéntant molukén mátánBétákén kalérán DashtayLóthit del panérán DashtayNangár o jog o káigerZébá ant dhalók o jenterGár ant á Balóchi diwánGapp o kandag o pollén tránZánán cha Sarjamá Bwány
Zamánagárá tai zébáiá goshag lóthánMan máhé án, na chérágé bale balag lóthán Hamé damáná hatam kayt o bit mani mehmánHamé ke ach watá dhanná man dar kapag lóthán Tai gamá gón mani jend ham sharik naentTai zahirá man ach wat ón pach gerag lóthán Man sestagán cha wati maymá, mohragay paymáTai anárkay saray arsé án, Sarjamá Bwány
Kay ent ke emrózay chérén rázán chó áshkárá sorénagá entTai zébnákiá gón janán ent, mani tawárá sorénagá ent Tá kad chó bérang o chádh nendán, tá kad é dámon abétk mánitZahiray pádinká zémerénit, gonáhé shárá sorénagá ent Bechár zenday padardén arwáh tai rangá bandikéá gón bastagÉ tonnién bégahá kapótáni har katárá sorénagá ent Tai darday Sarjamá Bwány
Jámagay zenchek, sarig o shál hónén ant maniMiri pág o mangehén dazmál hónén ant mani Mahsharén Kwaythah maróchi Karbalá ent, KarbaláPa bahárgáhi jodhé, dhokkál hónén ant mani Béwasi gerrán án marchi ke sadhakkáni saráBánzol ant thappi, shekastén bál hónén ant mani Shapcherágé ay, bebal áshóbhinárén shapánMáh hónán michal ent, estál hónén ant mani Kongorén baccháni Sarjamá Bwány