Wati borwánán Morwáred sorénit
Dege sázé delay thappán kodénit
Tai é parpokén lontháni garmi
Maná cha malkamitá ham zehénit
Choshén bahté kojá byárán ke pa man
Amol Ján shakkal o shirán beménit
Golay ábréshomén dastay samáré
Mani shór geptagén zerdá trahénit
Dapi josty nakant annun manárá
Bale man ke merán, arsán shalénit
Agán gol byayt molláay baheshtá
Man zánán jannati hurán godhénit
Amoll! Yakk zahrkanekkén cherágé tai
Delay pád atkagén bahtá nasénit
Zeyát kant ent zahirán Hánolaygán
Agán lálay watárá sambahénit
Delá mehr ent man harjáhé ke nendán
Watá krám o kehébán gón rasénit
Gon pollén kandagán thappán dawá kant
Cha áski didagán tirán shepénit
Sayad annun kehébáni pari rawt
Tai diwánay nendókán zarénit
Sayad Háshomi
(Torbat, Kéch 13-02-1955)