Hár nun métagán gerán ent padá
Darp hóshámay sar rechán ent padá
Wahday tawkal chó kadhabbá proshtag
Bánzolé jambarán adhán ent padá
Ásay drachké padá keshag lóthit
Embari hawr mehrawán ent padá
Man nun zánán ke keshká mattháit
Hamsapar kallié raján ent padá
Sayl bekan wahday niyatay rangán
Bad goshán ent, o bad kanán ent padá
Zi tai zébáiay rangán gwartag
Darday hámén pad grán ent padá
Kawsh déwánagén bégáhay Monir
Zahirán jigá mani moshán ent padá
Monir Mómen
(Yakk Bechilé Ázmán)