Dast berasit dege donyáé pa taw addh kanán
Kóhán srimmag kanán nilbómén zerán waddh kanán
Yá ke gón wazhdeliá taigá sharidár bán, yá
Anchósh wat bár án tará ham cha gamán baddh kanán
Washnayatkáni shegán trond ant bale pa taigi
Ér barán kocchal o májinán delá dhaddh kanán
Na maná deljamén ólák o na áp o tóshag
Menzelon dur ent mahlaigá chen o laddh kanán
Hanolay háterá chár gál padá per bastag
Gál o goptár kojá anchósh gaddh o waddh kanán
Sayad Háshomi
28 Aktubar 1951- Karáchi