Taw goshay ke déwánag, taw goshay ke násarpad
Man wati delá bandán tai pasáni banjáhá
Máh o sál per gardant mósomani nimmóná
Belly kayt hazzámé ták ájui lóthant
Kodratán hodáwanday bésawab naent donyá
Dráhén ráz ensánay bátenay tahá band ant
Chollay por nabant chanké opp kór kant chammán
Gwát pendhagé lóthit man watárá mán dárán
Man paméshká gong án ke wádaháni bandig án
Nódén gál o goptárán ázmán dhassáyán
Man agán goshán shayré tai sadakkahá námay
Zendmán harch ápá rang mán kant kárit
Hesht o hákay lógé ke máneshé nazánán man
Del goshit makassh arwáh ke kapan tayár ent tai
Marg pa madháhé kayt cha darén dayáréá
Taw pa tors chér ay o man zarán pa wasshatké
Manzur Besmel