Dráhén donyá zeréay lápá ent
Zendagi grán ent bójigáni tahá
Róch námahramáni setrá kant
Sáhegán wassh wasshá kenzénit
Káyant kabray sará mani báló
Sotkagén bánzolán wati chárant
Zámoráná agan bogwárit hawr
Dant záhé Neheng daryáyá
Shir shanzit golzeminay sará
Máhay démá nazánán kay chokkit
Chárit róchá wati delá chárit
Róchgwárchok nazánán ché jédhit
Éshiay wájah chón baheshtá rawt
É kabá dág dág o póleng ent
Márá háméná yát káay taw
Per kanant macch zéwar o sahtán
Brahnagiá ón mósomé hast ent
Tákréchá bechár gón drachkán
Wábjáh ent báli morgáni
May cheshay ján konthagá porr ent
Manzur Besmel
