Dódáni may bayrakdár bárén chón butant
Rájay sóndháen sardár bárén chón butant
Má ke hamódá layb kotag sohb dán bégáhi
Á róch o shap á bázár bárén chón butant
Gón hónigán marchán taw nend o nyád kanay
Tai péshigén kawl o karár bárén chón butant
Cho kalmánthá béomét neshtag mónján ay
Tai thahl o dáb o singár bárén chón butant
Chó ápáni padgwánkán bramshé gwáh nakant
Kázi pollén dóst o yár bárén chón butant
Mobárek Kázi