Bejalletén taw wáhagáni menzelá bejalletén
Pa Záker o Shabir o Záhed hambalá bejalletén
É dasht o kóh o kuchagay taw jonz o pahr o shán atay
Morádé zandhén dáshtagat wati delá bejalletén
Tai randpadán sar gerán o sar kapán medhán atén
Pa Sammi o Hasibah, Simá gangalá bejalletén
Shamóshit kay tará oo tahár o sarshapáni bám
Dagá nakot taw hejbará tai kátelá bejalletén
É halk o métag o dayár sochant hambaláni lóg
É nograhén zeminá tai ás o jalá bejalletén
Tai hálá byárit kásedé taw zendag ay o atkagay
Kot didagán tará man Dád dásht delá bejalletén
Dád Shásháni