Máhal Janekké sháhókárén, har kárá watiá kant pakká
Sohbá mahlah pád kayt ent, mantit shirán hinzaká
Bandit kawárá bégáhán, bárt shanekkán chárénit
É rangá zánán hankénay chammán kasshit yakk yakká
Kalligá zurit háligén tróngalén kánigán porr kant
Gwázénit róchá sáhegéá ártá poránigay tarr kant
Kóháni thollán tarrit o chónén drachki bar chent (ent)
Gón kabgi rawáj o raptárán rózardá lógá wátarr kant
Hawr o gwátá haryakké sar kant watárá lógá bárt
Nádán ent chó chórigá, árá nakant ent hecchi sárt
Jambar grandit, del trakkit, shahm gerókay bimnák ent
Bé torsá dar kayt pézhgáhá nendit tróngal chent o wárt
Shahray mardom tai démá rang o dánagá pash(t) kaptag
É gapp maná hayp o armán ent, cha zánt o zánagá pash(t) kaptag
Sar butag zamánag máhay sará Mirján á gedánay báhóth ent
Bist o yakkomi karnay janekk elmay wánagá pash(t) kaptag
Mirján Miral
