Delay wáhag ent ke darayt shap, dah o cháray máh padi bebit
Taw zaráná byáay chó mehlabá hamá róch bárén kadi bebit
Mán hayálán wahdé taw éok bay, chó cherágá sarshapay rók bay
Delá bell ke bit delay laybjáh, delá bell ke báz radi bebit
Ke besabzant tránagay róchpoll, ladén zerday bágichahá amoll!
Mani chammay métag o malpadán tai gamáni hawr dradi bebit
Wati zahriáni zehénagá gón zahirán sangati lázom ent
Tori man bebán, tori taw bebay, tori ganjén chárdah sadi bebit
Delon zór jant ke chó Kásomá, man begendán ashrapi chánagá
Tabon mayl kant ke chó Pázolá pa tamáshah sayl o nadi bebit
Wati dóstáni shegán o gam, wati dozhmenáni bad o setam!!
Choshén Kázié ke Mobárek ent padá moshkol ent ke wadi bebit
Mobárek Kázi
