Wahday hárá bechár bé bramshá
Nók ant naksh o negár bé bramshá
Pegr o jawzah ke bant baré dábé
É kay ent jant jár bé bramshá
Borzén chawláni man sará drang án
Bárt kojá bárén hár bé bramshá
Jang o ják ent pa sertagén náné
Kass nadant gég o wár bé bramshá
Péshemámay ón din badal bitag
Kant harámá helár bé bramshá
Kay wati wádahay padá jallit
Kay bekant ent wadár bé bramshá
Émenén jágahé naent donyá
Kayt mawján malár bé bramshá
Mahrám án eshkay angar o ásay
Man nabán wár o gár bé bramshá
Syahshapá gón watá sabáhé gón
Bit tahári sahár bé bramshá
Taw beger mehray pallawá Ázát
Bant badal belly yár bé bramshá
Latip Ázát
2015, Apsikahn, Kolbar
