(Shahid Kambar Mobárekay Námá)
Hónay lóhárén hárá bechár Kambaró
Tangahén sardhagárá bechár Kambaró
Zard gashtag chó haldárá báwar bekan
Dazgoháray gohárá bechár Kambaró
Sárbánay saray hósh saylá shotag
Mahriay sarmahárá bechár Kambaró
Jenday brátá wati tirbárán kant
Marchién sarmachárá bechár Kambaró
Kódeká bell petay zérpádán bit
Kópagá sóch, bárá bechár Kambaró
Nádráhá cha ham gésh bazzagter ent
Yakk negáhé anárá bechár Kambaró
Mayzarán ant padá némargén keshár
Polbaheshtén lewárá bechár Kambaró
Chó mabit Siwi gayráni dastá borawt
Chákaray yátgárá bechár Kambaró
Man tai nám gept o do gotth nóshetag
Chárpásay homárá bechár Kambaró
Káziárá do gapp ráhe donyá bogosh
Pákén parwardegárá bechár Kambaró
Mobárek Kázi
