Wasshén hálé dán nayayt sharrangén yáray némagá
Del chetawr wátarr bekant sabr o karáray némagá
Jambari band wárt dardán, zort shanzag didagán
Arsay juá hár kot hoshkén dhagáray némagá
Goddhi róch ant allamá móchkénay morgay rámagén
Dap pach ant marchi ke dámay mozhdawáray némagá
Róché sad bar man gerán “piránsari” tai mennatá
Taw maná wassh wasshá áort hósh o sáray némagá
Gept zeminjombá tamardáni kalát o mádhián
Dém ke kot “áhán”* nezóráni kaháray némagá
Chón bezánán taw naay, tai gam naant gránén godhá!
Kay maná télánk dayán ent margay gáray némagá
Béde sehrá hóshbarén chammáni, ay Sáher yalén!
Kay pa wasshi kayt ranjáni dawáray némagá
……………………
*áh o peryátán
Morád Sáher