Golzemin chó tráwalá ent, ázmán hiskáragé
Byá ke har del jangjáhé, har negáh wayránagé
Tonnay ahdá zendag at arsigén chammáni talab
Goddhe hárá pasht kaptag surmadáné, shépagé
Kass wati granchá nabandit sotkagén shahray gamán
Waptagén damkán chakarrit gwát ham déwánagé
Ach taw pad é shahr anchó gimorán ent ke goshay
Morgéay chammán cha kaptag jangalay hiskáragé
Taw chó ómánéá zébá chó ke dwáé róshná
Shishagi ótágé ay yá názbói shahragé
Byá tai óstá padá singáretag wahday pari
Shénkán tarrén pish ártag, sanjá bastag másagé
Laddhetag dorsán, Monir, bass wat ma wat gwázi kanant
Sestagén yakk gwáti kólé, proshtagén darwázagé
Monir Mómen