Didagán dóstay homárénán, mani táhir bort
Syahbazén bikán shepárénán, mani táhir bort
Gwar pa gwar hamjotkiá mán narmagén béthay sará
Rostagén jádhán, anárénán mani táhir bort
Paiyaká naylant maná tránag mán káshén koddhoká
Dard o ranján béshomárénán mani táhir bort
Lótheton gámé byáyán pa taw, pádán dát jawáb
Cháragán tai gelladárénán mani táhir bort
Nay man kot gránén gonáhé, nay choshén karé radén
Kár o kerdán hósh o sárénán mani táhir bort
Talwasán man, talwasant wáhag delay hajgén mani
É shapán, bé taw, tahárénán mani táhir bort
Nezze man sálé goshay Sáher hamok ni sáhaté,
Wasshiay róchán, do, chárénán mani táhir bort
Morád Sáher