Óstáni béráhén garán
Wáhag shepád óshtátagant
Mahkán chandhit dámoná
Drachkáni tahnái sorit
Tákáni zémer chawl jant
Gwátay sapar dazmósh kant
Trakkant deláni tráwal ant
Granch ant ke chammáni bojant
Dastay delá paym nabant
Sammi tai sáheg koj ent
Mán gwánzagén addirahán
Kaypáni mósom sambarit
Tai dráhiáni métagá
Chóke nawáén mardomé
Hóshá wati ráh gár kotag
Morg dán kadi sáchán bant
Ábréshomén wáhag delay
Róchay sará chón ér bit
Sammi tai sáheg koj ent
Man wa pa taw óshtátagán
Zikén ent drachké kayt mani
Báláday pollán bahr kant
Tránit dege gálwáréá
Tahnáiá sad tahr kant
Arsáni támá ham polit
Giráni sahtán bál dant
Sóchit zaipén bátená
Sammi tai sáheg koj ent
Sammi tayábay dámoná
Man tonnay jué borretag
Ápay sapar hóshám dant
Armánién morgáni ram
Chó tai gwaray hárá sedit
(Chónáhá kwanén tránagé)
Gón taw agan dróti bebit
Máhá salámá pad bogosh
Wábáni sáhélá madozz
Sammi tai sáheg koj ent
Monir Mómen
(Daryá Chanké Hóshám Ent)