Maná pa zendá gamay watásáni tir naylant
Delá gón jédhán, delá maróchán zahir naylant
Ométay monjáray ché gelag, ché delay mayár ent
Maná tai dargáhay zyáratá ke pakir naylant
Tará ón koshtag masitay molláay pant o sóján
Maná ón kabrá pa shehm Monker, Nakir naylant
“É lahmén dardáni passawá kay bedant saminá”
Ke shántolárá ladáni sabzén kahir naylant
Maná tai zaperánén yátáni mahparay bu
Bebán damáné gamáni shahrá cha dir, naylant
Mobárek Kázi
Aprél-1985, Shál