Byá mani dóst, mani ján, mani zerday morád
Taw mani zenday abadmánén cherágay rók ay
Pa taw dér ent mani gimortagén arwáh zarit
Taw mani zenday tahármáhén shapáni nók ay
Pa tai háterá oo sohbay teláhén estár!
Sambahéntag pa morádé delá mehráni chaman
Pa tai háterá sohbán wati bégáh kanán
Pa tai háterá bastag mán sará eshkay kapan
Na maná jannatay huráni gamán ranjéntag
Na maná sótk kanant ásén pariáni badan
Zenday zersóchén gamáni mani tálán kanók
Tahná tai wáhagay zamzilán gón bandig án man
Tai shapchámalén malgóráni shank án bárag
Tai cherágdróshomén péshániay nadrig án man
Byá benend sáhatoké gránén gamán tálán bekan
Mani bésáhegén róchán padá sáchán bekan
Mobárek Kázi
Janwari-1985, Karáchi