Drégatén gón taw gapp o trán makotén
Bébaháén delon zyán makotén
Agán bézár atay maná cha bale
É habar taw gón dozhmenán makotén
Mani bestár chi ent bale cha wat
Drostén mahluk badgomán makotén
Badwapái padá shegán pa sará
Ázagén del cho angarán makotén
Rad man Hánol nawártagat taw agán
Nadr o kawlig o ji o ján makotén
Band hejbar nabutagat é zobán
Kaséá gón taw hamzobán makotén
Zutt pa menzelé raséntagetant
Bédeli gón man hamrahán makotén
Dóshigén trán o marchigén zahri
Sharter at gón taw sohl o trán makotén
Sayad Háshomi