Sar kasshay negáhán baré kotthá réchay daryá
Taw ón mani hóshámay mokámán kanay daryá
Har róch taw damkáni tahá chawl jatán kot
Har shap cha cherágá wadi butagay daryá
Byá man tará wábay wadhá singárán mán chammán
Parchá gón mani kuchagay dóchán adhay daryá
Wabáni dehán krám kanánay chó bahárá
Wahmáni ladán áhuay paymá hazay daryá
É drachk gón wati sabzokén arwáhán tai ant
Dam bortagén morgáni kodóhán beday daryá
Harró tai báládá gón arsán wati shódán
Harró taw mani hóriá polkán kapay daryá
Sohbi tai chammáni tahá anchó molur at
Dóshi pa damánéá nawaptag goshay daryá
Marchi padá wáb kaptag zamánag tai wadárá
Marchi padá wátarriá shap kaptagay daryá
Monir Mómen