Bé wáhag o bé mehrá ambáz makan márá
Ráhá náshonásay taw shóház makan márá
Ché butag parandóshi tai rástén kashay lógá
Má páshk kanén rázán hamráz makan márá
Kass kamm nakant jenday báláday wati bahrán
Má jend én tai jenday, megráz makan márá
Yakk omré má gwázéntag tai gezdapay tawwápá
Pa shirkenén bechkandé náráz makan márá
Kázi taw wati rájá sakk báz mazan lékay
Má ártay tahá wád én sakk báz makan márá
Mobárek Kázi