Bramshé déwánagén chárráhá hatam ródénit
Tarrit arwáhay wati gárén kelitán pólit
Kandag o arsán mán yakk táséá ménag lóthit
Róché róché wa maná darday talab kandénit
Ach maná dur bebit, gwátay mokámán dozzit
Kayt nazzuká ta ótágé cha ásá kasshit
Óst hankénén ganóké tai gyábán nasib
Angarén kukuán zurit, o gedáné sázit
Zémerénit wati pádinkán o jambar gwárant
Á mani dráhiá kawréay wadhá mattháit
May ganóki ent hamá o may sáray sár hamá
Chammay karkénkay tahá mehlabén sanján ménit
Enshapi nódé beshanzit, drahén didag boddhant
Enshapi ásé bojonzit, delán pédháit
Chébari wáhagay mitápá man angar keshtag
Tonn wati bénagén shénkán mani lonthán málit
Anchén shahmé Monir gyábáná rajit bázáré
Anchén bechkandé kalátáni delán tarrénit
Monir Mómen
(Yakk Bechilé Ázmán)